Accessibility links

Breaking News

Macron, Le Pen Lanse Kanpay yo pou Dezyèm Tou Eleksyon Prezidansyèl la


Prezidan Franse a ak kandida a la prezidans santris pou re-eleksyon Emmanuel Macron pale ak travaye pandan lap vizite yon teren konstriksyon nan Denain, rejyon no La Frans, Lendi 11 Avril 2022.

Prezidan Franse a Emmanuel Macron deklare li vle "konvenk" elektè franse yo pou yo apiye vizyon santris li a.

Lendi Macron lanse yon batay kap dire 2 semèn kont rival li, kandida ekstrèm dwat Marine Le Pen, anvan dezyèm tou eleksyon an.

Le Pen pandansetan, pare pou batay la. Li mete aksan sou pri enèji a kap ogmante epitou pri manje ki koze tèt chaje pou sitwayen yo nan moman Macron ap konsantre sou finisman lagè Ikrèn nan.

Kounyea ke premye tou eleksyon prezidansyèl Franse a fini, tout je brake sou dezyèm tou a, ki fikse pou 24 Avril.

Macron te bat Le Pen nan dezyèm tou prezidansyèl la sa gen 5 an, men sondaj ki fèt yo montre kous ant limenm ak lidè zèl dwat la pi sere fwa sa a.

Kandidate yo pral fè deba sou televizyon Fransèz la semèn pwochèn.

XS
SM
MD
LG