Accessibility links

Breaking News

Macron Gen Konfyans nan Moman Ekstrèm Dwat la ap Fè l Konkirans


Yon moun pase devan kanpay afich kanpay prezidansyel pou Prezidan Emmanuel Macon, kandida santris la, ak kandida ekstrem dwat la Marine Le Pen nan vil Anglet, sidwes peyi La Frans, Vandredi 8 Avril, 2022.

Prezidan Franse a, Emmanuel Macron deklare li pa pè pèdi eleksyon prezidansyèl La Frans la malgre rival ekstrèm dwat li, Marine Le Pen ap fè l konkirans nan sondaj opinyon yo, kèk jou sèlman anvan premye tou a.

Kanmenm, gen anpil sispèns paske mond la ap veye pou wè kijan elektè yo pral vote Dimanch.

Obsèvatè yo predi pap gen anpil moun ki al vote e ke sa ka enfluyanse rezilta yo.

"Mwen gen espri viktwa olye espri defèt," Macron, yon santris, deklare pandan yon entèvyou ak radio RTL dènye jou kanpay la, Vandredi. Li fè remake "anyen pa sèten."

Le Pen toujou fini dezyèm - dèyè Macron - nan sondaj opinyon yo. Li te sanble diminye espas ant yo pi plis nan dènye sondaj opinyon ki fèt yo, ki bay maj diferans ant limenm ak Macron kòm ant youn ak 6 pwen.

XS
SM
MD
LG