Accessibility links

Breaking News

Ronaldo, Pòtigal ap Chache Tenyen Espwa Mawòk Genyen pou l Ranpòte Mondyal Foutbòl Qatar la


Vedet seleksyon nasyonal Potigal la Cristiano Ronaldo jwe ak balon an pandan yon sesyon antrenman nan Doha, Qatar, Jedi 8 Desanm, 2022.

Mawòk ap fete premye fwa li janm avanse nan ka de final Mondyal Foutbol Qatar la pou l pran premye plas nan mond Arab la. Kounyea lap pare pou yon rakont fas-a-fas ak supevedet Cristiano Ronaldo.

Ronaldo bo kote pa li atire atansyon anpil moun kap mande si wi ou non misye pral chofe ban an nan match Pòtigal kont Mawòk la, Samdi.

Antrene Fernando Santos te kite Ronaldo chofe ban an pandan pi fo match seleksyon an kont la Suis, ke li ranpòte 6-1.

Se premye fwa vedet foutbol la, ki ranpote 5 fwa pri meye foutbole nan mond lan, janm rete chita sou ban. Ranplasan li, Goncalo Ramos, 21 an, make 3 gòl pou ekip la.

Antrene Mawòk la, Walid Regragui deklare Vandredi "Mwen espere li pap jwe. Antanke antrene, mwen konnen li se youn pami pi bon jwe nan mond lan, donk mwen tap kontan anpil si li pat jwe.

Tout moun ap tann anons ekip Pòtigal la pral fe 90 minis anvan match la.

Ronaldo limenm ap fe preparasyon pou ka de final yo.

Antrene Santos la derefize pataje ak jounalis yo kisa li anvizaje pou match Mawok la e li fe remake "90% kestyon yo gen rapo ak Ronaldo" nan konferans de pres anvan match yo.

Youn nan kestyon jounalis yo mande antrene a se si sa medya nasyonal yo nan Potigal ap di sou Ronaldo se verite. Yo rapòte ke Ronaldo te menase pou l kite Mondyal la anvan antrene a te di li pral rete sou ban.

"Se pa vre" antrene a di.

Li ajoute: "Misye pa janm di li vle kite seleksyon nasyonal la. Byen antandi Cristiano pat kontan ditou. Li te mande m 'eske ou kwe se yon bon ide?"

Mawok limenm se sel ekip ki pa Ewopeyen ni Sid Ameriken ki pami 8 ekip ki toujou nan konpetisyon an.

XS
SM
MD
LG