Accessibility links

Breaking News

Ronaldo ap Kite Manchester United 'Efektiv Tou Suit'


Foto Achiv: Cristiano Ronaldo ap fe egzesis pandan antrenman seleksyon nasyonal Potigal la nan Lisbon, 14 Nov. 2022.

Cristiano Ronaldo pral kite ekip Manchester United "efektiv tou suit' Lig premye divizyon an anonse Madi.

Jwè vedèt la, 37 an, te bay yon entevyou ki soulve gwo pale anpil lavèy Mondyal Foutbol Qatar la te tanmen kote li kritike antrenè ekip la, Erik ten Hag ak pwopriyetè klib la.

Semen pase a, United te di li te "tanmen mezi apwopriye" fas ak komantè Ronaldo yo.

Ekip la pibliye yon deklarasyon ki di: "Cristiano Ronaldo pral kite Manchester United. Nou tou le 2 antann nou sou sa, efektiv tou suit. Klib la remèsye li pou gwo kontribisyon li pote kote li make 145 gol nan 346 match e nou swete limenm ak fanmni li bon chans nan lavni."

XS
SM
MD
LG