Jwè seleksyon nasyonal Angletè Raheem Sterling kite kan ekip li nan Qatar pou l tounen nan peyi Angletè apre volè antre lakay li.
Foutbolè a, ki gen 27 an e ki jwe pou klib Chelsea te rate viktwa Angletè ranpote sou Senegal 3-0 nan faz eliminatwa Mondyal la e li poko klè si misye pral tounen pou jwe nan match ka de final kont La Frans la.
Antrenè Angletè a, Gareth Southgate di ekip la ap bay Sterlink "tan pou l eseye rezoud vòl la epi pase tan ak fanmi ni. "
