Accessibility links

Breaking News

Will Smith Demisyonen kòm Manm Akademi Sinema a Akoz Kalòt li bay Chris Rock la


Will Smith rive nan fet Oscar Vanity Fair la Dimanch 27 Mas ak pri Oscar li nan men'l.

Will Smith demisyonen Vandredi kòm manm akademi sinema a apre kalòt li bay komedyen Chris Rock pandan sermoni remiz pri Oscar yo. Misye di li pral aksepte nempòt ki lòt pinisyon òganizasyon an enpoze.

Demisyon Smith la vini 2 jou apre akademi a te rankontre pou tanmen mezi disiplinè kont Smith poutèt li vyole standar konpòtman gwoup la.

Prezidean Akademi Sinema a, David Rubin, deklare yo aksepte demisyon Smith la e ke pwosesis disiplinè a pral kontinye.

Dimanch pase a, Will Smith te leve soti nan syèj li nan premye ranje a nan Teyat Dolby a kote seremoni remiz pri Oscar yo te dwoule epi li te bay Rock yon gwo kalòt apre misye te bay yon blag sou madanm Smith, aktris Jada Pinkett Smith.

XS
SM
MD
LG