Accessibility links

Breaking News

Responsab: Gang Ayiti Lage 3 sou 8 Sitwayen La Tiki


Yon polisye fe patwouy nan lari pandan yon operasyon anti-gang nan Croix-des-Missions, o no Potoprens, Ayiti, 28 Avril 2022.

Yon gang ann Ayiti lage 3 pami 8 sitwayen peyi La Tiki li te kidnape sa gen yon mwa desa nan Pòtoprens, dapre sa yon responsab fe konnen Mekredi.

Hugues Josue, konsil onore La Tiki ann Ayiti di Associated Press gen 3 fanm ke yo lage men li pa bay okenn lòt detay.

Medam yo te fe pati yon gwoup ki te gen ladann mesye Tik ki te monte nan yon otobis nan Repiblik Dominiken nan komansman mwad Me a epi yo te kidnape yo kek he'd tan pi ta nan Croix-des-Bouquets, ke gang 400 Mawozo a kontwole.

Li poko kle si bandi ki kidnape sitwayen Tik yo te mande yon ranson ni si yo te resevwa lajan pou lage moun sa yo. Lapolis pa reponn demann AP fe pou komante.

Gang 400 Mawozo a te kidnape anvan sa 17 misyone Ameriken nan menm zòn nan nan mwad Oktòb ane pase a. Yo te kenbe misyone yo ann otaj jiska mwad Desanm nan epi gang nan te mande yon ranson $1 milyon.

XS
SM
MD
LG