Accessibility links

Breaking News

Etazini, La Risi Pral Eseye Plis Diplomasi nan Moman Tansyon sou Ikrèn ap Ogmante


Sekrete d'Eta Antony Blinken salye Minis Afe Etranje Ris la Sergey Lavrov anvan rankont yo a nan vil Jenev an Swis, 21 Janvye 2022.

Diplomat pi wo plase Ameriken ak Ris yo antann yo pou yo kontinye pale, pou evite sityasyon Ikrèn nan vinn pi grav. Desizyon sa a pran malgre rankont yo nan vil Jenèv an Swis pat debouche sou okenn pwogrè pou rezoud kriz ki vinn soulve apre Moskou te gonfle twoup li yo sou frontyè Ikrèn. Pou kontre agresyon an, l'Oksidan limenm voye yon pakèt zam bay Kyèv.

Nan moman mond lan gen kè sote pou La Risi pa al anvayi Ikrèn epi kote l'ap fè demann san li pa vle fè okenn konsesyon, Sekretè d'Eta Antony Blinken ak Minis Afè Etranje Ris la Sergey Lavrov te rankontre pandan 90 minit nan Jenèv. Diplomat Ameriken an di rankont la fèt nan yon "moman kritik".

Blinken di Lavrov Etazini pral bay La Risi repons ekri sou plan Moskou pwopoze a semèn pwochèn. Li sigjere tou 2 peyi yo pral pwobableman rankontre ankò, yon ti tan apre sa.

XS
SM
MD
LG