Accessibility links

Breaking News

Biden Dakò pou'l Pale ak Putin, Depi li Pa Anvayi Ikrèn


Moun sa yo ap patisipe nan manifestasyon "Kanpe ak Ikren" sou plas Lafayette la tou pre Lamezonblanch, Dimanch 20 Fevriye 2022.

Prezidan Etazini Joe Biden aksepte pou'l fè chita tande ak Prezidan Ris la, Vladimir Putin "an prensip" e sèlman si La Risi "pa pouse pou pi devan ak yon aksyon militè" Lamezonblanch anonse byen ta Dimanch.

Yon deklarasyon pòt pawòl Jen Psaki pibliye di Sekretè d'Eta Antony Blinken ak Minis Afè Etranjè Ris la Sergey Lavrov pral fè premye chita tande yo ann Ewòp semèn sa a.

Diplomasii ap kontinye nan moman Etazini lanse avètisman pou di La Risi taka anvayi Ikrèn nempòt kile. Responsab yo pa kite okenn dout ke Etazini ak alye Oksidantal li yo pare pou enpoze sanksyon pou pini Moskou an menm tan yap priyorize yon rezolisyon pasifik pou kriz la, ki vinn pi grav pandan mwa ki pase yo.

"Nou toujou pare pou diplomasi," Paski deklare. "Nou pare tou pou nou enpoze konsekans rapid e sevè, si La Risi ta chwazi fè lagè. E kounyela a, sanble La Risi ap kontinye preparasyon pou yon bon jan atak sou Ikrèn nan jou kap vinn la yo."

Pot pawol Kremlen an Dmitry Peskov di jounalis yo Lendi poko gen okenn plan konkrè pou yon rankont Biden-Putin, e ke yon rankont konsa "posib si lidè yo kwè li posib."

Prezidan Franse a, Emmanuel Macron te pale ak lidè Ameriken ak Ris yo Dimanch e li di yo tou le 2 te aksepte prensip somè a.

Ikrèn bat bravo pou inisyativ la tou, kote Minis Afè Etranje Dmytro Kuleba di jounalis yo ke "tout jefo ki vize jwenn yon solisyon diplomatik vo lapèn."

XS
SM
MD
LG