Accessibility links

Breaking News

Biden Pral Pale sou Menas pou Demokrasi Anvan Eleksyon Mi-Manda yo


Prezidan Joe Biden pran la pawol pandan yon miting politik nan Inivesite Florida Memorial nan eta Florid, Madi 1 Nov. 2022.

Prezidan Joe Biden pral pwononse yon diskou sou menas pou demokrasi, nan moman lap eseye atire atansyon elektè Ameriken yo sou enpòtans eleksyon mi-manda ki pral dewoule semèn pwochèn nan.

Biden di plizyè fwa "nap vote pou demokrasi" 8 Novanm kap vini an.

Biden pral pran la pawol Mèkredi swa nan Union Station, yon stasyon tren nan Washington ki sitye tou pre syèj palman an, Capitol la - kote yon foul patizan Trump te atake palmantè yo 6 Janvye 2021.

Konseye Lamezonblanch Anita Dunn di ajans nouvel Axios ke Biden pral pale la paske se la ke "yo te eseye toufe demokrasi nou an."

Prezidan Demokrat la te pwononse yon diskou 1 Septanm nan Sal Endepandans Filadelfi a kote li te kondane sa li dekri tankou fòs "MAGA yo" ki se patizan ansyen Prezidan Donald Trump.

XS
SM
MD
LG