Urugwe ak vedèt li, Luis Suarez, elimine nan Mondyal Foutbòl Qatar la malgre viktwa 2-0 yo ranpòte sou Ghana Vandredi.
Rezilta sa a te lakoz Ghana pran kannè nan konpetisyon an tou.
Suarez te jwe yon wòl kle pou seleksyon nasyonal la, le Giorgian De Arrascaeta te make 2 gòl pou ekip la nan premye mitan an.
Urugwe te nan pozisyon pou l avanse jiskaske Kore di Sid te make yon dezyèm gòl nan dezyèm mitan match li ak Pòtigal pou ranpòte la viktwa nan Gwoup H la.
Sa te vle di ke Urugwe te bezwen make yon lòt gòl nan fen match pa li pou kalifye pou faz eliminatwa a.
Urugwe pat rive fè sa e Suarez te byen desi. Kanmarad li yo te eseye konsole li. Match jodia se te pwobableman dènye fwa lap jwe nan yon Mondyal.
