Accessibility links

Breaking News

Prezidan Donald Trump Pase Lòd pou Bloke Lajan Gouvènman Venezuela a Genyen Ozetazini


Foto konbine ki montre Prezidan konteste Vnezuela a Nicolas Maduro, (adwat) ak Juan Guaido, prezidan pwovizwa Venezuela a ke Etazini ak plizyè lòt peyi rekonèt, (agoch).

Prezidan Donald Trump bay lòd pou yo jele avwa gouvèneman Venezuela a genyen Ozetazini -- Se sanksyon ki pi sevè yo pran kont gouvenman Nicolas Maduro a jiska prezan.

Dapre lòd egzekitif Prezidan Trump pase byen ta lendi 5 out 2019 la: "Tout avwa ak tout enterè sou byen gouvenman Venezuela Ozetazini bloke e yo paka ni transfere yo ni peye yo, ni ekspòte yo. Poko gen oken repons ki soti bò kote Venezuela.

Venezuela ap viv yon kriz politik e sosyal depi yon bon bout tan kote plizyè milyon sitwayen l oblije pati pou yo ale viv nan peyi vwazen. Lèzetazini ak plizyè lòt peyi ap sipòte Juan Guaido, prezidan asanble Nasyonal la ki fòme yon gouvènman pwovizwa apre yo te fin rejte reeleksyon Nicolas Maduro nan tèt peyi a.

XS
SM
MD
LG