Nan Salvadò, Prezidan Nayib Bou-Kele bat bravo pou yon nouvo chapit ki ouvè nan relasyon peyi li avek Lèzetazini; li remèsye Sekretè Deta Mike Pompeo deske li se premye chef dipomasi amerikèn ki vizite peyi l la nan yon dizèn lane.
Bò kote pa l, Sekretè Deta Pompeo fè gwo konpliman pou Misye Bou-Kele poutèt li fè yon viraj an direksyon Lèzetazini. Misye Pompeo deklare:"Avèk nouvo leadership li a, peyi Salvadò fè yon chwa byen klè pou l konbat koripsyon, fè pwomosyon pou lajistis epi travay kòm patnè Lèzetazini; e tou lè 2 pèp yo ansanm pral rekolte benefis partnership sa a.
" Sekretè Deta a te kontinye pou l felisite Peyi Salvadò poutèt li deklare li pa rekonèt sa prezidan Nayib Bou-Kele rele "rejim kowonpi Maduro a" kòm gouvènman lejitim Venezuela.
