Anvwaye espesyal Nasyonzini ak Lig arab la nan Siri, Kofi Annan, di si gen plis aksyon militè nan peyi a; sa pral fè sitiyasyon an vin pi grav toujou.
Mesye Annan fè deklarasyon sa a nan vil Lekèr nan peyi Ejipt kote li t ap rankontre ak sekretè jeneral Lig Arab la, Nabil Elaraby.
Ansyen sekretè jeneral Nasyonzini an gen pou l al vizite Siri pita semèn sa a. Pandansetan, Vis minis petwòl Siri a bay demisyonn nan pòs li, li pase nan opozisyon kont prezidan Bashar Al-Assad, li di gouvènman an fè pèp siryen an pase yon ane la pènn ak tristèss .
Nan yon videyo ki poste sou YouTube, Abdo Husameddine, ankouraje kòlèg li yo pou yo abandone sa li rele yon “bato k ap koule”.