Accessibility links

Breaking News

Manm BTS Jin Tanmen Sèvis Militè li


Nan foto Weverse sa a Jin, manm gwoup K-Pop BTS la poze pou yon foto apre li raze tet li anvan li tanmen sevis milite li, Dimanch 11 Desanm, 2022.

Manm gwoup KPòp popilè BTS la Jin, tanmen sèvis militè li.

Jin se manm pi aje gwoup popilè Sid Koreyen an e li tanmen sèvis militè li Madi. Se yon egzijans pou tout sitwayen, dapre lwa peyi Kore di Sid.

Sèvis militè a dire 18 mwa. Manm BTS yo ak fanatik yo te sou plas pou di vedèt la babay ak pou swete l bon chans.

Gen 6 lòt manm BTS ki pral fè sèvis militè yo tou nan ane kap vini yo youn apre lòd, kivledi gwoup Kpòp ki pi popilè nan mond lan pral oblije fè yon poz nan aktivite yo pandan kèk ane.

Yon polisye Sid Koreyen pase bo kote yo banye ki gen foto Jin, yon manm gwoup K-Pop BTS la tou pre sant fomasyon lame a nan Yeoncheon, Kore di Sid, Madi 13 Desanm, 2022.
Yon polisye Sid Koreyen pase bo kote yo banye ki gen foto Jin, yon manm gwoup K-Pop BTS la tou pre sant fomasyon lame a nan Yeoncheon, Kore di Sid, Madi 13 Desanm, 2022.

Kestyon sèvis militè a te soulve yon gwo deba nan Kore di Sid sou si wi ou non lè a pa rive pou revize sistèm konskripsyon peyi a epi bay egzanpsyon pou atis ak vedèt tankou pa egzanp manm BTS yo oubyen si yo ta dwe elimine egzanpsyon ki egziste pou tout moun.

Jin fete 30 an pi bonè nan mwad Desanm lan e li te rejwenn lòt rekri pou sèvis militè nan vil Yeoncheon, ki sitye tou pre fwontyè Kore di Nò. Li pral patisipe nan 5 semèn antrenman militè de baz, dapre sa Ministè Defans la fè konnen.

XS
SM
MD
LG