Accessibility links

Breaking News

Juan Guaidò, lidè opozisyon Venezuela a, anonse retou li pou Lendi 4 mas la


Juan Guaidò, lidè opozisyon an nan Venezuela.

Lidè opozisyon an nan Venezuela, Juan Guaidò, lanse apèl bay pèp la pou mande l pran beton an lendi 4 mas 2019 la pou yon gwo mouvman manifestasyon ki pou fèt nan menm moman l ap antre nan peyi a aprè li fin fe yon tounen nan peyi alye li yo nn Amerik Latin nan.

Misye Guaidò ekri sou kont Twitter li:

“M ap anonse retou mwen nan peyi a. Mwen lanse apèl bay tout sitwayen venezuelyen pou yo mobilize atravè tout peyi a lendi 4 mas la apati de 11 zè di maten.”

Nan jounen dimanch la, lidè opozisyon an te kite peyi Ekwatè -pi presizeman vil Salinas, sou kòt pasifik la- abò yon avyon militè aprè li te fin rankontre ak lidè ekwatoryen an, Lenin Moreno. Plan vwayaj li pa piblik; sepandan yon pòtpawòl fè konnen Misye Guaidò ap rive Karakas atan pou sezon kanaval la k ap komanse nan peyi a lendi 4 mas la.

Juan Guado pale pèsonèlman pou l di li prevwa yo pral arete li lè li debake nan Venezuela.

XS
SM
MD
LG