Peyi Ewopeyen yo ap kouri pou ede Ikrèn jwenn chofaj ak elektrisite pandan sezon ivè a kote fè frèt anpil.
Peyi yo pwomèt Vandredi pou voye plis sipò ki pral kontrekare jefò lame Ris la ap fè pou l avili rezo elektrisite peyi a.
Envazyon an deja dire 9 mwa e fòs Kremlen yo fikse kòm sib enfrastrikti elektrisite Ikrèn nan ak lòt enfrastrikti sivil esansyèl pou sere boulon Kyèv.
Responsab yo estime apepre 50% enstalasyon enèji Ikrèn yo andomaje nan frape Ris yo.
Minis Afè Etranje Franse a di Vandredi peyi li voye 100 jeneratris pwisan bay Ikrèn. Li di Larisi fè sezon ivè a tounen yon "zam" pou plonje popilasyon Ikrenyen an nan plis mizè.
