Accessibility links

Breaking News

Absans yon Bidjè ak yon Nouvo Gouvènman Bloke Pwosesis Akò FMI Te Siyen ak Ayiti


Machann kap pase tou pre yon barikad anflame pandan manifestasyon opozisyon politik la nan Pòtoprens. 9 jiyè 2018. (Foto: AP/Dieu Nalio Chery)

Sa pa gen lontan, nouvèl te parèt pou fè konnen FMI (Fon Monetè Entènasyonal) kanpe pwovizwaman dekesman yon prè 229 milyon dola li ta pral fè Ayiti. Sèvis Kreyòl Lavadlamerik la te pran kontak avèk Randa Elnager, responsab relasyon medyatik nan FMI, pou mande li:

1. Eske nouvèl sa a di laverite? 2. Si wi, ki rezon ki eksplike desizyon FMI an?

Nan repons Randa Elnagar la, li fè deklarasyon sa a:
"Ebyen, nap suiv dosye sa a natirèlman. Sa k rive, sè ke sa pa gen lontan nou te pibliye nouvèl sou yon akò konsènan yon pwogram pou Ayiti. Alòs, natirèlman, sitiyasyon an ann Ayiti genyen konsekans sou aplikasyon akò a. Se avèk enpasyans nap tann fòmasyon yon nouvo gouvènman ak adopsyon yon nouvo bidjè.

Toutotan sa pa fèt, nou pap kapab egzekite akò nou te jwenn resamman sou pwogram mwen sa a. Nou pap kapab prezante akò sa a devan Konsèy direksyon FMI an toutotan poko genyen plis limyè sou nouvo gouvènman an ak adopsyon yon bibjè."

"Kidonk, nou espere pwoblèm ki poze ann Ayiti -ni sou plan jesyon administrasyon piblik la, ni sou plan politik la an jeneral, va gen yon solisyon rapidman yon fason pou n kapab rekòmanse travay pou n ede Ayiti ak pèp ayisyen an fè fas ak gwo defi sosyal ak ekonomik yap konfwonte."

Sa pa gen lontan prezidan Jovenel Moise te pote yon demanti sou nouvèl sa a yon jounal nan peyi a te pibliye.

XS
SM
MD
LG