Accessibility links

Breaking News

Ayiti: Opozisyon Radikal la Rejte Konsiltasyon Egzekitif la sou Chwa Nouvo Chèf Gouvènman an


Manifestan nan Pòtoprens ak yon drapo nwa e blan nan men yo ap mande demisyon Prezidan Jovenel Moïse nan okazyon fèt drapo a, 18 novanm 2018. Foto: Matiado Vilme/ VOA

Prezidan ayisyen an Jovenel Moise kòmanse seri konsiltasyon ak pati politik yo pou l chwazi yon nouvo Premye Minis. Pami pati politik ki deja rankontre chèf leta a nou jwenn Lidè Pati UNIR la Clarens Renois, lidè RDNP a Eric Jean Baptiste.

Dapre responsab yo chèf leta a te pwofite pale de pwochen eleksyon yo malgre poko gen yon bidjè ak yon lwa elektoral. Fanmi Lavalas, Pitit Dessalines ak sektè demokratik ak popilè opozisyon an rejte envitasyon chèf leta a. Opozisyon radikal ensiste pou prezidan Jovenel Moise bay demisyon l.

Plizyè palmantè swete chwa nouvo premye minis la ap yon moun ki kapab reyini tout sektè nan klas politik la. Prezidan Chanm Sena Carl Murat Cantave ki te pale ak laprès semèn pase a fè konnen chèf leta a poko kontakte l nan kad konsiltasyon pou chwa premye minis la.

Tout fwa, Mesye Cantave di chwa pwochen premye minis la ta dwe yon moun ki kapab kreye travay, epi mete yon klima nan peyi a kote tout ayisyen kapab viv byen ann Ayiti.

XS
SM
MD
LG