Desizyon sa a, tankou obsèvatè yo te atann li, pa rantre nan santiman (pa jwenn adezyon) anpil lidè politik, ann Ayiti kou aletranje, ki pa mete dlo nan bouch yo pou denonse aksyon prezidan de la Repiblik la ak palmantè yo.
Ansyen senatè Edgard Leblanc (Òganizasyon Pèp Kap Lite, OPL) nan yon deklarasyon li fè nan mikwo Serge Rodriguez vandredi di "li sispèk genyen yon kesyon lajan (koripsyon) nan vòt sa a". E reyaksyon yo pa favorab non plis bò kote kèk òm politik nan diaspora a Ozetazini, tankou nan vil Orlando, Eta Florid, pa ekzanp.
Pou reyaksyon kèk aktè sou sèn politik ayisyen an avèk korespondan nou nan Pòtoprens, Clarens Renois, fè yon klik sou ralonj ki anwo e adwat atik sa a.
NB: Genyen lòt reyaksyon toujou nou kapab koute. Annik klike sou Pwogram nou yo nan fenèt ki agòch paj wèb la epi ale sou pwogram 8 tè diswa a.
