Accessibility links

Plato Santral: Reyaksyon yo Depaman sou Vòt Pou Bay Preval Dwa Pou'l Rete O Pouvwa


Nan Depatman Plato Santral, reyaksyon-yo depaman konsènan vòt ki te fèt nan Lachanm pou bay prezidan Preval dwa pou-l rete sou fotèy boure-a apre 7 Fevriye 2011, sizoka pa ta gen yon nouvo prezidan ki pare pou moute.

Yon pati politik nan opozisyon an pa fè kritik sou pwolongasyon manda chèf leta a paske li di prezidan an dwe benefisye juris prudans 4 mwa anvan enstalasyon li an.

Sepandan Pati Popilè Pou Renouvo Ayisyen nan rejyon sant la kwè premye manda ke nasyon an dwe respekte echeyans konstitusyon an fè li. Responsab la misye Brutus presize Ayiti bouke travèse kriz sou kriz --- fòk li jwenn yon chans pou li demare.

"Nou kwè ke peyi a li bouke! Aprè tranbleman de tè a nou paka pran kriz politik ankò," Brutus deklare. " Nou pakapab tou retounen ann aryè, se avan pou'n fè, se devan pou nou gade, donk se pou prezidan an reponn a obligasyon pou li òganize bon eleksyon pou gen yon nouvo prezidan ki monte nan peyi a e pou peyi a li kontinye fè chemen ni pou popilasyon an ki anba tant nan Pòtoprens la pou popilasyon ki nan grangou a kapab jwenn yon mezèf yon aneme e'm panse ke juskaprezan se sa ki enpòtan nan kad responsabilite prezidan an limenm li genyen."

XS
SM
MD
LG