Moon Bin, yon atis gwoup K-Pop Sid Koreyen ki rele Astro a, mouri. Otorite yo nan vil Seoul jwenn misye tou mouri lakay li nan kapital Sid Koreyèn nan, dapre ajans ki jere gwoup la.
Moon Bin te gen 25 an, e se manadjè li ki t al lakay li Mèkredi swa paske li pat reponn apèl li, ki te jwen li.
Lapolis ap mennen ankèt sou lanmò a men pou kounyea yo poko jwenn okenn endikasyon ki montre se rezilta yon krim, dapre ajans nouvèl Sid Koreyèn Yonhap.
Responsab stasyon polis distri Gangnam nan (yon katye boujwa nan Seoul) pat reponn apèl Associated Press te fè pou mande komantè.
Ajans ki jere Moon Bin nan, Fantagio, pibliye yon deklarasyon ki konfime lanmò a. Deklarasyon an di, misye "kite nou sanzatann epi tounen yon zetwal nan syèl la". Fantagio ajoute ke atis konfrè li yo ak responsab konpayi an an dèy e ke yo "tris anpil epi choke".
