Putin di ke mouvman an se yon repons pou desizyon ke Grann Bretay te pran semèn ki sot pase a pou voye bay Ikrèn minisyon ki gen iranyòm apovri.
Nan yon entèvyou ki pase Samdi sou televizyon leta Ris, Putin di Larisi ap kenbe kontwòl sou zam nikleyè taktik ke li pwal estasyone nan Byelorisi.
Li di enstalasyon depo yo pral fin fèt 1er jiyè pou pita, men li pa di konbyen zam ki ap nan yo.
Li di Larisi ap suiv ekzanp Etazini ki gen zam nikleyè taktik tou ki baze ann Ewòp.
