Gouvènman Ikrenyen an mande konsèy sekirite LONU oganize yon rankont dijans pou "kontre chantaj nikleyè Kremlen an" apre Prezidan Larisi Vladimir Putin revele plan li genyen pou l estasyon zam atomik taktikal nan Byelorisi.
Yon responsab Ikrenyen deklare Dimanch ke Larisi "pran Byelorisi kom otaj nikleyè".
Sepandan Moskou deklare lap pran mezi sa a pou reponn sipò militè l'Oksidan ap bay Ikrèn de plizanpli.
Putin anonse plan an pandan yon entèvyou nan televizyon Samdi. Li di se desizyon Angletè pran semèn pase a pou l bay Ikrèn atiyri ki gen kapasite pou pèse twou nan machin blende e ki ame ak iranyòm, ki te lakoz li pran desizyon sa a.
