Gouvènman an di li pa kwè ke objè sa yo t ap fè espyonaj, men li pa ekate posiblite ke yo ka te vini pou sa.
« Yo pa te gen motè ki pouse yo, » dapre sa pòtpawòl Konsèy Sekirite Nasyonal John Kirby te di jounalis nan Mezon Blanch. « Pa te gen anyen pou dirije yo. Yo pa te gen kapasite pou fè siveyans, men posiblite a la. »
Kirby ajoute: « Se yon bagay ki yon jan nouvo pou nou.»
Li di ke kèk pati nan 3 objè yo al tonbe “nan zòn rekile, kote li difisil pou nou rive » - nan glas nan eta ameriken Alaska, nan teritwa Yukon nan nòdwès Kanada e nan fon Lak Huron sou fwontyè Etazini ak Kanada.
Sekretè Defans Etazini Lloyd Austin di sa ki enpòtan pou Pentagòn nan se « jwenn debri yo pou nou ka gen plis chans pou konprann sa bagay sa yo ye. »
Kirby refize pale de objè yo kòm balon.
