Yon jij federal deklare lè ansyen Prezidan Donald Trump te siyen dokiman legal apre eleksyon 2020 an ki te gen ladann plent pou di te gen koken - li te konnen sete manti.
Jij David Carter ekri nan yon opinyon ki mezire 18 paj e ke li pibliye Mèkredi ke echanj kourye elektwonik ant Trump ak avoka John Eastman montre li tap fè jefò pou'l soumèt devan tribinal federal la fo deklarasyon e ke objektif li tap pousuiv la sete ranvwaye kontaj vwa elektoral yo, 6 Janvye 2021.
Jij la pase lòd pou yo pibliye lòt email ant Trump ak Eastman epi voye yo bay komisyon La Chanm dè Reprezantan kap mennen ankèt sou atak 6 Janvye kont Kapitòl la.
