Accessibility links

Breaking News

Konsèy Nasyonal Siri a gen yon Nouvo Prezidan


Prensipal gwoup opozisyon egzile Siri a eli yon akademisyen Kurd pou eseye ini mouvman an aprè plizyè mwa lit, e militan yo rapòte omwen 19 moun mouri ankò nan bonbadman ak lese frappe gouvènman an nan tout peyi a.

Kèk manb wo plase nan Konsèy Nasyonal siryen an chwazi Abdulbaset Sieda kòm nouvo lidè gwoup la nan yon rankont ki fèt nan Istanboul nan wiken ki sot pase a. Nouvo prezidan Konsèy Nasyonal Siri a ankouraje siryen nan le mond antye pou yo aji an solidarite avèk sitwayen ki nan peyi a e ankouraje manb fòs zame siryen yo pou yo dezète kite pòs yo.

Li pale pou l di: "Pèp siryen an toujou ap reziste anba masak ak krim rejim siryen an ap komèt yo. Mwen mande tout siryen yo pou yo soti nan kominote yo òganize sit in devan anbasad siryen yo. Map mande tou pou tout obsèvatè entènasyonal pou yo ale nan vil Homs. Konsèy Nasyonal Siryen an dispoze 3 milyon dola nan yon fon ijan pou pèp siryen an k ap soufri ap pou yon seri zòn ki an destruksyon. Nou mande tou pou moun ki nan pozisyon responsab nan fos zame a ak nan gouvènman an pou yo dezète kite rejim nan."

Msye Sieda lanse apèl tou pou mande Nasyonzini pou l voye obsèvatè nan vil Homs , apèl sa a vini nan moman gen plizyè militan siryen yo rapòte plis vyolans lot bò a. Obsèvatwa siryen pou dwazimen an di batay ak bonbadman touye omwen 12 moun nan vil Homs.
XS
SM
MD
LG