Accessibility links

Breaking News
Azi

Sharif Prete Sèman Kòm Nouvo Premye Minis Pakistan


Nan foto sa a ke Depatman Enfomasyon Lapres Prezidan a.i. Pakistan an Sadiq Sanjrani (a goch) pibliye, li prezide seremoni prestasyon seman nouvo Premye Minis eli Shahbaz Sharif nan Islamabad, Lendi 11 Avril 2022.

Palman Pakistanè a eli palmantè opozisyon Shahbaz Sharif kòm nouvo premye minis peyi a apre yon semèn tibilans politik ki te fini ak ranvèsman gouvènman Premye Minis Imran Khan.

Sharif prete sèman sou tab an mab blan palè ke yo konnen kòm Prezidans la. Sepandan elevasyon an pa garanti yon chimen pasifik nan moman yap eseye rezoud pakèt pwoblèm ekonomik Pakistan yo - pami yo enflasyon ak yon kriz enèji.

Sharif, ki se frè ansyen Premye Minis Nawaz Sharif ke yo te fòse kite pouvwa a, ranpote la viktwa ak 174 vwa apre plis pase 100 palmantè pati Khan yo te vire do yo kite Asanble Nasyonal la pou pwoteste kont vòt la.

174 vwa sa yo te ase pou apwouve nominasyon an nan asanble a, ki gen 342 syèj ladann, men si patizan Khan yo pran lari, kriz peyi a taka vinn pi grav toujou.

XS
SM
MD
LG