Mwayen Oryan
Palman Pakistanè a Tanmen Pwosesis pou Dechouke Premye Minis Imran Khan
Palman Pakistan an komanse lendi 28 mas la yon pwosesis vèt san-konfyans ki vize dechouke premye minis Imran Khan poutèt li ta swadizan mal dirije peyi a.
Pati opozisyon yo mete ansanm pou yo pouse rezolusyon non-konfyans la nan Chanm Palman an ke moun rele Asanble Nasyonal. Chanm nan ki gen 342 manm, pwal komanse fè deba sou mosyon an Jedi kap vini an e yo espere pral gen yon vot nan jou kap vini yo.
"Premye-minis la pa rete nan biwo li aprè li fin pèdi konfyans chanm nan," Se Lidè opozisyon Shehbaz ... ki di sa pandan li tap li mosyon non-konfyans lan e li tap pase an dirèk sou televizyon.
Khan ki te fòme yon gouvenman Koalisyon avek yon ti majorite tou mens aprè ke pati li a te genyen eleksyon jeneral 2018 la ap fè fas a sa kèk analis di ki se defi politik ki pi serye gouvenman ni an janm konfwonte. Li rejte akizasyon komkwa li ta mal gouvenen e li promèt pou-l defèt mouvman non konfyans la.
Ansyen vedèt krikèt la ki gen 69 van di gouvenman ni an kontinye gen supò yon majorite palmantè malgre pati-li-a ki sou pouvwa-a ki se Pakistan Tehreek-e-Insaf (PTI) sot pèdi kèk manm.
Lide opozisyon yo ak kèk analis endepandan di Khan pedi supo lame peyi-a ki gen anpil pouvwa, ki ta swadiza mastèbrenn viktwa li nan eleksyon an e li ankouraje opozan politik yo pou lanse prosesis non konfyans la.
See all News Updates of the Day
Konsèy Sekirite LONU Ranvaye Vot sou Seselfe Gaza a
Konsèy Sekirite Nasyonzini pa vote rezolisyon yon seselfe nan teritwa Gaza a malgre apèl Sekretè Jeneral Nasyonzini an Antonio Guterres lanse pou evite yon katastròf Valerio Saint Louis
- Jean Robert Phillipe
Izrayèl Kontinye ap Atake Militan Hamas yo
Izrayèl kontinye ap atake militan Hamas yo malgre apèl k ap lanse pou mande yon seselfe ak pwoteksyon sivil yo
Atak Wòkèt Vize Anbasad Ameriken nan Bagdad
Otorite Ameriken ak Irakyen yo di te gen yon atak ak wòkèt sou Anbasad Etazini an nan Bagdad, sa ki te lakòz kèk ti domaj men li pat koze okenn viktim.
Atak Wòkèt Vize Anbasad Ameriken nan Bagdad
BAGDAD (AP) — Otorite Ameriken ak Irakyen yo di te gen yon atak ak wòkèt sou Anbasad Etazini an nan Bagdad, sa ki te lakòz kèk ti domaj men li pat koze okenn viktim.
Milis Iranyen kap mennen operasyon nan Irak di se yo ki responsab plizyè douzèn atak ki vize baz twoup Ameriken yo nan Irak ak la Siri depi lagè Izrayèl-Hamas la te kòmanse a.
Anbasad la trouve li nan kapital Irakyèn nan.
Yon ofisyèl sekirite irakyen di milis yo te lanse 14 fize Katyusha vandredi, e kèk ladan yo te frape toupre youn nan pòtay Anbasad Ameriken an.
Yon ofisyèl militè ameriken di ke wòkèt te frape tou baz Union III a ki gen biwo kowalisyon Etazini an Irak ladann.
- Serge Michel
Gwo Batay Fewòs nan Gaza
Gwo batay fè raj Jedi nan pi gran vil yo nan Gaza, ant fòs izrayelyen ak militan Hamas, kote sivil palestinyen te chache ti rès abri ki rete pou yo chape anba lagè a.
Batay te dewoule nan vil Gaza, nan nò a, kote Izrayèl te santre premye etap operasyon-li pou elimine Hamas, epi nan Khan Younis nan sid Gaza, ki se dènye kote gè a rive.
Tout tan batay ap dewoule, se plis sivil yo ap pran wout sid pou yo, e vyolans la deranje operasyon imanitè l-ONU e pouse dirijan òganizasyon mondyal la yo lanse avètisman repete pou fè konnen sityasyon an ap vin pi grav.
Nasyon Zini di dè dizèn milye moun sot rive nan jou ki pase yo nan Rafah, yon vil ki toupre fwontyè sid Gaza. Zonn Rafah a se sèl seksyon nan Gaza ki te resevwa distribisyon limite èd imanitè semenn sa a akoz vyolans la ki pran pati nò a, dapre l-ONU.