Accessibility links

Breaking News

Polòy di 45 Diplomat Ris ki Lakay li Se Espyon yo ye


Foto Achiv: Yon gason vole drapo Ikrenyen ak Polone yo pandan yon manifestasyon devan yon bilding kote diplomat Ris yo abite nan Vasovi, kapital La Poloy, Mekredi 23 Mas, 2022.

Ministè enteryè Polòy la deklare yo idantifye 45 diplomat Ris kap travay nan peyi a kom espyon e yo ekspilse yo.

Sou kont Twitter li, Minis Enteryè Polonè a Mariusz Kaminski deklare "Polòy ekspilse 45 espyon Ris ki tap pretann yo se diplomat. Nap kraze sèvis sekrè Ris la ak ajan li yo ki nan peyi nou ak tout detèminasyon nou."

Responsab Polonè yo di yo voye chache Anbasadè Ris nan La Polòy Sergey Andreev Mèkredi Maten pou'l vinn konparèt devan Ministè Afè Etranjè a, kote yo remèt ba li yon not sou ekspilsyon 45 diplomat Ris yo sispèk de espyonaj yo.

Andreev di jounalis yo apre rankont la ke li pat o kouran sa ki dèyè desizyon an men "Fòk yo pati. Se yon desizyon souvren La Polòy pran e yo gen dwa pran desizyon pa yo." Li di li pat sou lis diplomat yap ekspilse yo.

Pi ta Andreev di ajans nouvl Ris Tass ke La Risi pral pran reprezay pou mezi sa yo epi ekspilse diplomat Polonè "anba prensip resipwosite."

XS
SM
MD
LG