Accessibility links

Breaking News

Demisyon yon Anvwaye Ris bay l'Oksidan Espwa


Foto Achiv: Anatoly Chubais, reprezantan espesyal Prezidan Ris la pou relasyon ak oganizasyon entenasyonal yo.

Demisyon anvwaye espesyal Kremlen an Anatoly Chubais poutèt envazyon Ikrèn nan bay ankourajman men gen anpil chans pou li souke Prezidan Ris la Vladimir Putin tou, yon responsab Oksidantal di ajans nouvèl Reuters Mèkredi.

Responsab la di demisyon Chubais, ki se achitèk refom ekonomik La Risi adopte apre Linyon Sovyetik la te kraze, e ki te sèvi anvan sa kom chèf kabinè Prezidan Boris Yeltsin nan se yon "deklarasyon ki gen anpil enpotans", men li ajoute misye te "byen wo sou lis moun" ki taka pran yon mezi konsa.

"Mwen kwè se yon bagay ki ankourajan, ke gen responsab wo plase klas politik Ris la kap fè bagay konsa, men sa pa vledi mwen tire konklizyon ke sa pral minnen sekirite Putin ak rejim li, ni grif byen sere li genyen sou pouvwa a. Sepandan mwen kwè li ankourajan ke yon moun konsa pran yon desizyon konsa," responsab la ki pale ak laprès sou kondisyon pou yo pa site non li, deklare.

XS
SM
MD
LG