Accessibility links

Breaking News

Joe Biden di LaRisi taka Lanse Atak Entènèt oswa Chimik


U.S. President Joe Biden speaks at an event in the East Room of the White House, March 16, 2022, in Washington.

Prezidan Etazini Joe Biden bay avètisman sou posiblite pou LaRisi lanse atak sou entènèt kont enterè Etazini oubyen deplwaye zam chimik pandan envazyon LaRisi nan Ikrèn nan preske gen yon mwa.

Biden di yon gwoup lidè biznis lendi swa ke Prezidan ris Vladimir Putin pa te atann tout inite ki anfas li a kont aksyon LaRisi yo e ke "li gen do-li nan yon miray."

Biden di tou lendi gen "prèv k ap chanje" ki moutre ke gouvènman ris la ap "etidye kèk chwa pou li lanse atak sou entènèt" kont Etazini kòm repons pou sanksyon Etazini yo, e li ankouraje biznis nan sektè prive a pou yo ranfòse defans yo san pèdi tan.

LaRisi rejte avètisman Biden nan, kote pòtpawòl Kremlen Dmitry Peskov di jounalis yo jodia ke LaRisi pa angaje nan zak banditism nan nivo leta."

Lidè Etazini, Frans, Almay, Itali ak Grand Bretay te gen yon konferans nan telefòn lendi kote yo te diskite sou taktik LaRisi nan Ikrèn, e yo ensiste sou sipò yo pou Ikrèn nan ba li asistans sekirite ak imanitè, e yo rekonsidere efò diplomatik ki fèt deja pou sipòte yon efò Ikrèn pou jwenn yon ola nan batay yo, dapre Mezon Blanch.

XS
SM
MD
LG