Accessibility links

Breaking News

Pence di Republiken yo Fòk Yo Sispann Atake FBI pou Fouy Kay Trump la


Ansyen Vis Prezidan Etazini Mike Pence pandan yon dejene politik nan Manchester, New Hampshire, 17 Out, 2022.

Ansyen Vis Prezidan Etazini Mike Pence sipiye konpatriyòt Repibliken li yo pou yo sispann atake FBI pou fouy kay Donald Trump nan Florid la.

Pence denonse tou, apèl kèk pami alye ex-prezidan an lanse pou sispann finanse FBI la. Pence di li "osi move" ke apèl aktivis Demokrat yo te lanse pou koupe finansman lapolis.

Pence di li pral "konsidere kòmsadwa" nempòt ki demann li ta resevwa pou vinn temwaye devan komisyon La Chanm kap mennen ankèt sou atak kont Capitol la 6 Janvye 2021.

Apèl sa yo Pence lanse pou moun mete dlo nan diven yo vini nan moman la jistis Ameriken lanse avetisman pou di yap resevwa yon pakèt menas zak vyolans ki vize ajan federal yo ak enstalasyon gouvènman an, depi ajan yo t al fouye Mar-a-Lago, semèn pase a.

XS
SM
MD
LG