Minis defans Etazini an, Leon Panetta, deklare ke kowalisyon Lèzetazini ap dirije ranpòte la viktwa nan lagè a nan Afganistan nan moman sòlda etranje yo kontinye ap transfere responsabilite sekirite peyi a bay fòs Afgan yo anvan yon tan limit ki fikse pou 2014.
Msye Panetta di sòlda Etazini ki estasyone nan pwovens Paktika nan lès Afganistan ke y ap konfwonte kèk defi enpòtan nan konfli sere sa a. Men li pwomèt pou etabli yon peyi san danje ki ap gouvène tèt li kote Taliban ak Al-Kaida paka jwen refij.
Minis defans Etazini an ap fè yon virewon 2 jou nan Afganistan pou l tcheke sou pwogrè efò Etazini ap dirije kont rebèl ke li di ki rive nan yon moman desizif ane sa a apre yon dizèn lane ap konbat Taliban.
Msye Panetta gen pou l rankontre ak prezidan afghan an, Hamid Karzai.