La Oland konfime 13 ka nouvo varyan COVID-19 ki rele Omicron an lakay li. Ostrali limenm jwenn 2 ka varyan an. Peyi sa yo ki lwen youn ak lòt, se dènye nan yon seri nasyon ki detekte varyan Omicron an pami moun ki te vwayaje ann Afrik Ostral k ap tounen lakay yo.
Israel deside Dimanch pou li entèdi etranje ki soti Mawòk antre lakay li, e li fè konnen li pral entèdi tout vòl ayeryen entènasyonal kap antre lakay li pandan 2 semèn apati Lendi 29 Novanm.
Desizyon Israel la se youn nan desizyon pi sevè ki pran kont vwayaj entènasyonal, nan moman kote peyi yo ap kouri pou anpeche varyan sa a pwopaje lakay yo.
Se chèchè nan peyi Afrik di Sid kite idantifye premye ka konfime oswa sispèk nouvo varyan Omicron an sa gen 2 jou desa.
