Vandredi 26 Novanm, Òganizasyon Mondyal la Sante (OMS) te bay nouvo varyan kowonaviris la non Omicron. Yo detekte varyan sa a nan Afrik di Sid.
Dapre OMS, varyan sa ka gaye pi vit pase lòt yo.
Apre yon reyinyon nan Nasyonzini, ekspè endepandan te egzamine done yo genyen, e yo te soti yon nòt: "Varyan sa gen yon gwo kantite mitasyon, se kèk nan enkyetid ke nou genyen. Done preliminè yo sijere yon risk pou re-enfeksyon ak varyan sa, konpare ak lòt varyan avan yo."
Omicron se senkyèm varyan pandemi kowonaviris la.
Fèmti fwontyè
Anpil peyi te reyaji ak enkyetid yo genyen sou nouvo varyan an. Inyon Ewopeyèn, Grann Bretay ak Japon te ranforse kontwòl yo sou fwontyè yo, ak kèk peyi, yo menm entèdi vòl ki soti nan peyi Sid Afrik yo.
On mezi ki kontrè ak rekòmandasyon OMS la.
