Kore di Nò pwoklame kòmansman rèy Kim Jong Un jedi 22 desanm 2011 la, sa ki defini wòl pitit gason defen lidè Kim Jong il la kòm siksesè pwomès revolisyonè li yo e lidè pèp li a.
Jounal ofisyèl Kore di Nò, Rodong Sinmun, pibliye nan yon editorial: "Kim Jong Un dwe vanse pou pi devan sou yon chemen pou peyi a konte sou pwòp tèt li alòske l ap kenbe ansèyman Kim Jong il yo."
Li ankouraje nasyon an pou l mache dèyè jèn lidè a. Plizyè dizèn milye nò koreyen toujou nan la pèn pou lanmò Kim Jong il ki te dirije nasyon an pandan 17 tan.
