Accessibility links

Breaking News

Jill Biden Prezante Eskiz li Pou yon Kòmantè sou Latino yo ki Soulve Pale Anpil


Foto Achiv: Premye Dam Jill Biden salye moun nan yon sant la sante pandan yon vire won nan vil Richmond, eta Vijini, 1 Jiye, 2022.

Jill Biden, premye dam Etazini prezante eskiz li poutèt li te di Latino yo "inik" menm jan ak tako moun San Antonio konn manje pou manje maten.

Atravè pot pawol li, premye dam nan prezante eskiz li pou pawol li te chwazi a ki "pat reprezante admirasyon ak lanmou pou kominote Latino Ameriken an."

Nan yon diskou Lendi nan vil San Antonio, Texas devan gwoup UnidosUS, yon gwoup dwa sivik Latino Ameriken, madan Biden te deklare divèsite kominote a "osi espesyal ke bodega yo nan Bronx (Nouyok) osi bel ke fle Miami yo epi osi inik ke taco moun San Antonio konn manje pou manje maten."

Moun te kritike li san pèdi tan pou komantè sa a. Asosyasyon Nasyonal Jounalis Ispano Ameriken yo te pibliye yon mesaj sou Twitter kote yo reponn "Nou pa taco."

XS
SM
MD
LG