Accessibility links

Breaking News

Jennifer Lopez ak Ben Affleck Fiyanse?!


Foto Achiv: Jennifer Lopez a dwat ak Ben Affleck nan gran premye film "Marry Me" la nan Teyat DGA a nan Los Angeles, 8 Fevriye 2022.

Jennifer Lopez gen yon bag fiyansaj nan dwèt li e se posib ke se aktè Ben Affleck mete'l la.

Lopez tap ri nan yon videyo li pibliye Vandredi sou kont ofisyèl Twitter li a kote li di li gen yon bèl istwa espesyal li ta renmen pataje.


Li di pwòch li yo ka jwenn plis enfòmasyon sou sit wèb li a OnTheJLo.com, ki mande vizitè yo enskri yo pou wè kontni a.

Yon videyo li pibliye sou sit la montre yon Lopez chaje ak emosyon kap gade bag la, yon gwo bijou vèt ki menm koulè ak rad li gen sou li a.

Reprezantan Lopez yo derefize konfime si mesye-dam yo fiyanse vre, e yon reprezantan Affleck pat reponn demann AP voye ba li pou kòmantè Samdi.

XS
SM
MD
LG