Accessibility links

Breaking News

Etazini, La Risi ap Fè Chita Tande Pandan Tansyon yo Ogmante sou Ikrèn


Sekrete d'Eta adjwen Ameriken Wendy Sherman, a goch, ak Minis Afe Etranje adjwen Ris la, Sergei Ryabkov nan vil Jenev an Swis, 10 Janv. 2022.

Wo responsab Ameriken ak Ris yo lanse ofisyèlman rankont espesyal yo ki gen kòm bi pou diminye tansyon ki egziste ant 2 peyi yo akoz pakèt twoup RIs ki gonfle sou frontyè La Risi ak Ikrèn.

Chita tande sa a fè pati yon seri mezi diplomatik ki pran ann Ewòp semèn sa a. Minis Afè Etranje adjwen ris la, Sergei Ryabkov te dirije yon delegasyon ki rive ak yon seri polisye Swis ki tap akonpaye yo nan misyon diplomatik Ameriken an nan vil Jenev pou yon nouvo seri diskisyon fas-a-fas ak Wendy Sherman, Sekretè d'Eta Adjwen Ameriken, epi ekip li a.

Rankont sa a fè pati yon "Dyalòg Sekirite Estratejik" ke Prezidan Joe Biden ak tokay li Vladimir Putin te deside lanse pandan yon rakont o somè nan mwad Jyen 2021.

Peyi oksidantal yo gen kè sote paske La Risi gen plis pase 100,000 twoup sou frontyè Ikrèn nan.

XS
SM
MD
LG