Accessibility links

Breaking News

Depatman d'Eta: La Risi Pare pou Ekspilse Plis Diplomat Ameriken


Foto Achiv: Anbasad Etazini nan Moskou, La Risi, 11 Me 2021.

Depatman d'Eta fè konnen La Risi tanmen pwosesis ekspilsyon plis diplomat nan anbasad Amerikèn Moskou a.

Depatman an di li resevwa yon lis diplomat Mèkredi ke Ministè Afè Etranjè Ris la deklare kom "persona non grata". Li pa di konbyen diplomat ki sou lis la, men d'abitid ekspilsyon an fèt nan yon espas 72 zè.

Ministè Etranjè Ris la te rele Anbasadè Ameriken John Sullivan Lendi pou pwoteste kont deskripsyon Prezidan Joe Biden de lidè Ris la Vladimir Putin kòm "kriminèl lagè" akoz envazyon Ikrèn nan. Apre rankont sa a, La Risi te lanse yon pinga pou di li pare pou'l koupe relasyon diplomatik ak Etazini, yon bagay ki poko janm fèt anvan.

Depatman d'Eta a di mezi La Risi pran Mèkredi a se "dènye mezi La Risi pran ki pa ede e li pa pwodiktif" nan relasyon ant 2 peyi yo. Etazini lanse apèl bay La Risi pou "sispann ekspilse san jistifikasyon diplomat ak ak anplwaye Etazini yo."

XS
SM
MD
LG