Accessibility links

Breaking News

Michael Cohen, Avoka Pèsonèl Prezidan Donald Trump, Jwenn yon Kondansyon 3 Zan Prizon.


Michael Cohen ki te gen avèk li pitti-fi-li Samantha (agoch), ak pititgason li Jake (adwat), pandan li t ap rive nan tribinal federal la nan New York pou l te tande santans li. (Foto: AP/Craig Ruttle, Mèkredi 12 desanm 2018).

Ozetazini, Michael Cohen, ki te travay pandan lontan kòm avoka pèsonèl Prezidan Donald Trump, resevwa nan mitan jounen mèkredi 12 desanm 2018 la, yon sanstans 3 zan prizon apre li te rekonèt devan yon jij nan vil New York li te “rete lwayal fidèlman anvè prezidan ameriken an, Donald Trump, e se sa ki te fè l “kase fèy, pou l kouvri move zak” Misye Trump.

Jiji William Pauley, ki t ap prezide afè a, bay Mèt Cohen santans sa a pou yon long lis akizasyon kriminèl --pami yo genyen aranjman ilegal li te swadizan fè pou l peye de (2) dam 280 mil dola pou yo pa t fè bri ak yon afè womantik yo te genyen avèk kandida Donald Trump. Gen tou le fèt ke akize a te bay manti nan depozisyon li te fè devan Kongrè a sou demach Donald Trump te antreprann pou l bati yon gratsyèl nan Moskou, kapital Larisi.

Pandan jij la t ap adrese l ak Michael Cohen, li di misye kòmkwwa li pèdi “tout jijman moral li.”

Michael Cohen, ki genyen 52 zan e ki te pase 12 zan ap travay pou Misye Trump, te klewonnen yon fwa deske li te pare pou l pran yon bal pou Donald Trump si sete pou pwoteje patwon li. Sepandan, sa pa gen lontan, li te chanje fizi l d’epòl e li vire kont lidè ameriken an. Nan seyans kote Cohen aprann santans li a, li fè konnen “lè yon moun ap travay pou Trump, se kòmsi ou te nan yon prizon kòporèl e mantal an menm tan.”

Kounyela a Michael Cohen tounen pi pwòch kolaboratè Prezidan Trump lajistis kondane pou l pran yon tou prizon nan kad yon ankèt kriminèl trè elaji kap fèt sou kanpay Donald Trump te mennen nan ane 2016 la, sou rapò Trump avèk Larisi nan epòk la, epi sou kesyon pou konenen èske, an tan ake prezidan, Trump te eseye bloke travay lajistis avèk yon tantativ pou l te deraye ankèt la ki gen nan tèt li Pwokirè espesyal Robert Mueller.

XS
SM
MD
LG