Accessibility links

Breaking News

Blinken di Alye yo ap Diskite sou yon Entèdiksyon Pwodwi Petwolye ak Gaz Ris


Sekrete d'Eta Antony Blinken pran la pawol devan anplwaye Anbasad Etazini nan Novitas, Moldovi, Dimanch 6 Mas, 2022.

Sekretè d'Eta Ameriken Antony Blinken deklare Etazini ak alye li yo gen yon "diskisyon trèz aktif" sou entèdiksyon enpotasyon petwol Ris ak gaz natirèl pa rapo ak nouvo seri sanksyon yo anvizaje pran kom reprezay pou envazyon La Risi fè nan Ikrèn nan.

Lè yo poze'l kestyon sou enpotasyon petwol ak gaz nan yon entèvyou ak CNN Dimanch, Blinken deklare ke Prezidan Joe Biden oganize yon rankont Konsèy Nasyonal Sekirite li a pou diskite sou sijè sa a Samdi. Biden ak alye Oksidantal yo evite jiskaprezan enpoze sankyon sou endistri enèji Ris la ki antre yon pakèt lajan, pou evite konsekans sa taka genyen sou pwop ekonomi pa yo.

"Nap pale ak patnè Ewopeyen nou yo ak alye nou yo pou wè ki kalite aksyon kowodine nou taka pran pou entèdi enpotasyon petwol Ris an menm tan nap asire gen pwovizyon apwopriye petwol sou mache mondyal la," Blinken deklare. "Se yon diskisyon aktiv kap dewoule nan moman map pale avè nou la a."

XS
SM
MD
LG