WASHINGTON —
Prezidan Joe Biden teste pozitiv pou COVID-19 ankò, 3 jou apre doktè li te di li mèt sispan izolman li.
Otorite medikal yo di yon enfeksyon "rebon" apre tretman ak yon medikaman anti-viral ra anpil.
Doktè Lamezonblanch la, Kevin O'Connor rapote Biden pa gen okenn sentom e li santi'l anfom.
Sant pou Kontwol ak Prevansyon Maladi a di pi fo ka enfeksyon rebon yo leje e ke poko gen oken ka sevè kowonaviris ki rapote pandan peryod sa a.
Lamezonblanch di Biden pral swiv konsèy CDC yo e li pral izole tèt li pandan omwens 5 jou.
