Accessibility links

Breaking News

Mezon Blanch: Biden Teste Pozitif pou COVID-19


Prezidan Joe Biden pale ak lapres apre li desann Air Force One, avyon prezidansyel la, Mekredi 20 Jiye, 2022.

Prezidan Joe Biden teste pozitiv pou COVID-19. Nouvèl la souliyen jan kowonaviris la finn enfiltre sosyete Amerikèn nan.

Lamezonblanch anonse Jedi, ke Biden, ki gen 79 an gen "sentom trè leje" pami yo nen li ki bouche epi lap touse. Li kòmanse pran yon medikaman ki rele Paxlovid, yon medikaman anti-viral ki sipoze redwi severite maladi a.

Prezidan Biden konplètman vaksinen kont COVID-19 e li pran 2 vaksen siplemantè "booster".

Prezidan Biden pibliye yon videyo sou Twitter maten an kote li bay Ameriken nouvel sou kijan li ye.

Lè yon moun ki konplètman vaksinen kont COVID enfekte, chans pou'l malad grav oubyen mouri trè ba.

Biden ap rete an izolman nan Lamezonblanch men li pral kontinye travay via telefòn ak Zoom, dapre sa pòt pawòl la fè konnen.

Biden anile yon vizit li te gen entansyon fè nan eta Pènsilvani, Jedi.

Premye Dam Jill Biden pale de Prezidan Joe Biden ki teste pozitif pou COVID-19, apre li rive nan yon lekol ki rele Schulze Academy nan vil Detroit, 21 Jiye, 2022.
Premye Dam Jill Biden pale de Prezidan Joe Biden ki teste pozitif pou COVID-19, apre li rive nan yon lekol ki rele Schulze Academy nan vil Detroit, 21 Jiye, 2022.

Premyè dam Jill Biden te pale ak jounalis yo apre li te rive nan yon lekòl nan vil Detroit Jedi. Li di li fek sot pale nan telefòn ak mari li.

"Misye anfom," li di. "Li santi'l byen."

Premye dam lan, ki te mete yon mask, fè konnen li te teste negativ pou COVID-19 pi bonè nan jounen an. Li di li pral respekte kalandriye li ki mande pou'l vwayaje nan Michigan ak Jòji Jedi, men ke li pral swiv konsèy Sant Kontwòl ak Prevansyon Maladi a ki mande pou'l mete mask, epi kenbe yon distans ak moun, pòt pawòl li, Michael LaRosa deklare.

Prezidan Biden te pase pi fò semen pase a nan peyi Israel ak Arabi Saoudit. Responsab Lamezonblanch yo te di Biden te planifye pou'l minimize kontak li ak moun pandan vwayaj la, men osito li te desann Air Force One Mekredi 13 Jiye, moun te wè prezidan an ap salye ak kout ponyèt, bay lanmen, e pa fwa kwoke moun.

Yon responsab Lamezonblanch di Vis Prezidan Harris teste negativ pou COVID-19. Dènye fwa li te ak prezidan an se Madi, e li te pale ak li nan telefòn Jedi maten. Harris gen entansyon kontinye mete mask, ki se sa konsèy ekip medikal Lamezonblanch la.

XS
SM
MD
LG