Accessibility links

Breaking News

Biden Prèske Refè Nèt anba KOVID, dapre Medsen Prezidan Ameriken an


U.S. President Biden meets virtually with a delegation from SK Group led by Chairman Chey Tae-won at the White House in Washington

Sentòm ki ta montre Prezidan Joe Biden gen KOVID-19 yo “preske fin rezoud aktyèlman.” Se deklarasyon Doktè Kevin O’Connor, medsen Prezidan an. Dokte O’Connor ajoute:

“Biden konplete, lendi swa, yon peryòd 5 jou kote li pran medikaman antiviral ki rele Paxlovid la, epi batman kè li, presyon ateryèl li, ritm respiratwa li avèk tanperati li rete nòmal.”

Kounyela a, Biden santi li byen ase pou l rekòmanse egzèsis fizik woutin li yo; sepandan madi li te kontinye rete izole pou yon 5èm jounen. Prezidan an twouv l nan izòlman nan Lamezonblanch depi li te teste pozitif pou KOVID-19 jedi pase

Otorite lasante yo panse Biden trape varyan omikwonn ki rele BA.5 la. Doktè Ashish Jha, kowòdonatè repons Lamezonblanch pou kowonaviris, fè konnen varyan BA.5 la responsab pou le moman pou 7% a 80% tou ka KOVID-19 yo anrejistre kounyela a Ozetazini.

Biden, ki totalman vaksine e ki resevwa 2 doz an plis doz nòmal yo, te montre kèk sentòm lejè pandna 5 jou ki pase yo –pami sentòm sa yo genyen “konjesyon nazal ki kontinye, avek yon vwa anwe.

Prezidan ameriken an anile tout evennman kote li te dwe reponn prezan pèsonèlman pou semèn sa a. Sepandan, li pral kontinye asiste evennman yo yon fason vityèl jiskaske doktè va di li kapab kite izòlman li a.

Pandansetan, ni Premye Dam nan, Jill Biden, ni Vis Prezidant Kamala Harris, yo tou le 2 te teste negatif pou KOVID lendi. Jill Biden rete nan kay prive fanmi an, nan Eta Delaware, tandiske prezidan an rete izole. Madam Harris, li menm, te jwenn otorizasyon doktè pou l te asiste yon evennman sou avòtman ki dewoule nan Eta Indiana.

XS
SM
MD
LG