Accessibility links

Breaking News

Biden Diskite Sanksyon, Putin Menase Poul Kraze Relasyon ak Etazini Poutèt Ikrèn


Nan foto sa a ke Lamezonblanch pibliye, Prezidan Joe Biden pale ak Prezidan Ris Vladimir Putin nan telefon, nan rezidans prive li nan vil Wilmington, eta Delaware, 30 Dec. 2021.

Prezidan Joe Biden lanse yon pinga bay Prezidan Ris la, Vladimir Putin. Biden di Etazini taka enpoze nouvo sanksyon kont La Risi si li pran lòt mezi militè kont Ikrèn.

Putin reponn ke yon mezi Ameriken konsa ta debouche sou yon ripti konplè relasyon ant 2 peyi yo.

Lidè yo te pale franchman pandan prèske yon hè'd tan, nan moman gen anpil kè sote poutèt pakèt twoup Ris ki gonfle tou pre frontyè peyi Ikrèn.

Konseye Putin sou zafè etranje deklare nempòt ki lòt sanksyon Etazini ta pran "ta reprezante yon erè total-kapital ki ta pote konsekans grav."

Lamezonblanch bò kote pa'l fè konnen Prezidan Biden di klèman ke Etazini ak alye li yo "pral reponn yon fason desizif si La Risi anvayi Ikrèn ankò."

XS
SM
MD
LG