Pwogram Alimantasyon Mondyal Nasyonzini an fè konnen lap fè fas ak yon mank finansman kidonk li pap kapab ede 100,000 Ayisyen mwa sa a ki bezwen asistans dijans.
PAM ap redui de 25% operasyon li an Ayiti nan moman 4,9 milyon Ayisyen - prèske mwatye popilasyon an bezwen asistans pou jwenn manje.
PAM deklare Lendi ke plan repons li pou Ayiti finanse a 16% sèlman e ke li pap kapab distribye manje bay 750,000 Ayisyen si li pa jwenn $120 milyon li bezwen pou opere jiska fen ane 2023 a.
Kantite Ayisyen k ap fè fas ak ensekirite alimantè tèlman wo, Ayiti sitye an dezyèm pozisyon kounyea sou lis peyi kote pwoblèm grangou a pi grav.
