Kore di Nò te teste anvan sa yon dronn li ke moun pa konnen, ki rele « Haeil » pandan 3 jou ekzèsis militè anba direksyon lidè peyi a Kim Jong Un, dapre Ajans Nouvèl Santral Koreyen an ki gen abreje ann angle KCNA, ke leta dirije.
Misyon dronn nan se pou enfiltre nan dlo kote gen operasyon ki ap dewoule, e lanse yon kokenn tsunami radio aktif anba dlo pou detwi gwoup lamarin ki ap lanse frap, e dronn nan ka detwi pò enpòtan lènmi an ki ap fonksyone, dapre KCNA.
Depi 2019, Kore di Nò devwale plizyè fwa nouvo sistèm zam, e anpil nan yo, dapre sa li di, ka tire zam nikleyè. Li pa klè si li reyisi bati tèt nikleyè ki piti ase pou moute sou misil.
Pyongyang di dènye tès li yo se yon repons pou ekzèsis militè Etazini-Kore di Sid yo ki ogmante kòm repons pou gwo kantite lansman misil ak lòt menas Kore di Nò, bagay li pa te janm fè anvan.