Fanatik Brezil kap asiste Mondyal Foutbòl Qatar la montre sipò yo pou Pele pandan match seleksyon nasyonal la kont Kamewoun. Brezil pèdi match la 1-0.
Pele, ki gen 82 zan, te ospitalize Madi nan Sao Paulo pou kontwole medikaman lap pran pou kansè.
Dokte yo di li gen yon enfeksyon respiratwa e ke li pral rete lopital pandan yap swaye li ak antibyotik.
Fanatik yo devwale yon banyè ki gen imaj Pele sou li kote misye kenbe yon balon foutbòl.
Yon kokenn chen imaj Brezil te vizib sou yon bilding tou pre stad la. Imaj la te gen avè l mesaj ki di "rekipere vit" epi "nou renmen Pele".
